太陽星晨: 我不時會同老頭子去泳池游水, 游完之後會買一隻熱狗食. 果隻熱狗的味道已經唔易搵到, 但真係非常好味. 通常我都會買多本 “笑旦漫畫” (本野應該係鄭旦瑞做老闆)

鋼琴後的人: 我自己買的第一合帶, 部機係 AIWA, 發覺乜野係音體聲

海闊天空: 當年我六年級, 開開心心去烏溪沙入教育營, 咁大個仔第一次咁長時間離開屋企(四日三夜), 感覺上明明好似唔係好耐之前發生.

我愛 IChiBan: 我第一次整擴音機(D&T功課), 不停咁播呢首歌黎試部機. 懷疑因為當年自己真係整得太好, 今時今日的音響硬係聽唔上耳.

那有一天不想你: 時至今日對我仍然係一個夢魘

從沒這麼愛戀過: 一首我唔多喜歡的歌, 呢首歌真係一個單純的 time stamp

請放手: 首歌其實真係幾好聽.

一個人的天荒地老: 我做左一件我後悔至今的事

原來你甚麼都不要: 我學識飲酒, 仲非常鍾意飲

The Phantom of the Opera: “有錢佬品味, 死窮鬼身家” 的終極開始

往事, 又點可以如煙呢, 明明感覺上所有事情不過係前兩日發生….

你肥左好多喎 有幾多! 超多啦! 你睇你, 死肥仔 點呀咁耐無見, 結婚未呀 你都唔要我, 邊有得結喎, 吃吃 又我? 唔係你仲有邊個 你做人唔得咁架喎 吃吃

年輕時, 婚外情對我黎講太遙遠, 只懂道聽途說烏鴉學舌, 認定婚外情係不負責任的表現.

結婚後, 我發覺生活無乜大改變, 世界如常地轉, 日子仍然係咁過, 兩口子感情唔會因為結婚而有大改變, 而且身邊所有索女仍然很索. 我發覺婚外情原來不過係一個個人選擇, 雖然後果好多時都好大鑊, 但係對部份人黎講, 老婆喊生喊死係做人老婆者不懂大體, 唔夠大方, 云云. 我見過甚至有人上大陸包女, 係要尋回當年的戀愛感覺. 正常人永遠唔會明白精神病患者, 只能夠接納與支持, 如果你支持得住的話.

我結左婚, 仲有個女添 ???? 比D相比你睇丫 ???? 幾時到你呀 ???? 唔好咁啦….

以前我會以為結婚係一個階段的結束, 現在我會睇結婚係一個新生活的開始, 兩個人一齊生活, 唔係要維持現狀, 而係嘗試將對方成為你自己一部份, 過程未必個個順利, 大家都要有所付出.

容讓婚外情開始, 發展, 建立, 成熟, 當事人責無旁貸. 而成龍此等”陽具奴隸” 先會夠膽理直氣壯同人講, 佢任意同女性造愛係一件”任何男人都會犯的錯”.

使唔使我呀, 你做左咁多年電腦 咁係唔識丫嘛死野 你唔好同人講添呀你, AP唔識鏟機….

使用呢個極大咒文時, 你最好用你自己的方法(剪書, 上網搵, 點都好啦), 搵一張以大家讀書時一定見過的花朵橫切面圖, 最好黑白, 比人的感覺要專業一點, 學術一點.

念咒文對像, 因為要效果永遠持久, 你念呢個極大咒文, 絕對唔係求神拜佛, 唔係召喚精靈, 而係要向目標人物作出直接咒文咏唱, 先會有效果. 你唔好以為對住街邊隻貓念就可以有效, 或者希望隻貓幫你傳送咒文

至於使用方法, 如果你想效果好D, 就面對面將個極大咒文對住對方念一次, 如果驚自己念果時定力唔夠, 你可以用 email, 又或者寄信都可以(寄信最好手寫), 但係當然效果差一皮啦. 而且你要確保將整篇極大咒文都傳送到當事人耳邊或眼前, 只接收到一半, 佢就會好似家下D鬼打病毒咁, 有抗藥性, 咁就效果打晒大折扣矣.

講左咁耐, 咁篇極大咒文係乜呢? 你最好背熟佢先囉. 好容易, 一手拎住一支花, 另一隻手拎住頭先講果張花的橫切面圖, 再向目標人物咏唱以下咒文, 包掂!

植物之花, 極其美麗, 勾魂攝魄, 群雌莫敵;
究其底蘊, 極度嘔心, 尚且由我, 指點眾生;
花之作用, 吸引昆虫, 色彩斑爛, 芬香迷人,
究其原因, 傳播花粉, 傳宗接代, 全靠他人;
簡而言之, 花雖引人, 諗深一層, 性器為實,
內有雌雄, 仲有花粉, 當中奧妙, 由君發掘;
情人佳節, 本當同慶, 可憐花兒, 有苦自知,
互送性器, 仲要鬥多, 再鬥包裝, 實為花禍,
拎近鼻前, 大力一索, 情況嘔心, 自己想像,
取人性器, 鬥生鬥死, 所為何事, 於心何忍.

我試過向我老婆施以呢個極大咒文, 家下我送花比佢, 佢會鬧番我轉頭, 話我核鬼突, 我便覺得我好鬼死成功.

日子一天天的過去，母豬日漸長胖，而公豬則一天天瘦下去。有一天，公豬突然聽見主人在跟屠夫商量，要把長勢見長的母豬殺了給賣掉，公豬傷心至極。於是從那天開始公豬性情大變，每當主人送吃來時公豬總搶上去把東西吃的一乾二淨，每天吃後便躺下大睡，並且告訴母豬現在換做她來放哨，如果他發現她沒放哨的話就再也不理她。

漸漸的日子一天天過去，母豬覺得公豬越來越不在乎她，母豬失望了，而公豬還是若無其事的過著安樂日子．很快一個月過去了，主人帶著屠夫來到豬圈，他發現一個月前肥肥壯壯的母豬瘦的沒剩下多少肉，而公豬則長的油光發亮．這時的公豬拼命的奔跑，想引起主人的注意，表明他是頭健康的豬。

終於，屠夫把公豬拖出豬圈的那一刻，公豬朝著母豬笑著說：『以後別吃這麼多！』母豬傷心欲絕，拼命的沖出去，但圈門被主人關上了，擱著柵欄，母豬看著閃著淚光的公豬。那晚，母豬望著主人一家開心的吃著豬肉，母豬傷心的躺倒在以前公豬每天睡的地方，突然她發現牆上有行字：

『如果愛無法用言語來表達，我願意用生命來證明』！

母豬看到這行字肝腸寸斷，人類聽到這個淒美的愛情故事也無不為之動容，女孩們為了紀念這段愛情，同時也表示沒忘記公豬臨前的遺囑『以後別吃這麼多』，開始流行減肥……

政苦話禁左煙, 酒吧麻雀館桑拿浴室生意會好D; 酒吧麻雀館桑拿浴室話如果真係禁煙到時搵鬼人去.

酒吧麻雀館桑拿浴室目標市場煙民居多呢個係事實, 政苦想完全禁煙呢個亦係事實, 立場本身對立, 又有乜野可以傾到出黎? 政苦搞禁煙搞左咁多年竟然搞左個煙民年輕化出黎, 呢班人又正正係果D酒吧麻雀館桑拿浴室的主要客仔, 你搞禁煙又真係迫人摺埋架咋喎.

最陰公係政場上果班政棍行為幼稚, 以為叫大聲D企得硬D就叫有料到, 個個得把死人聲毫無實際辦事能力, 你話, 呢個死結可以點解決呢?

政苦呀政苦, 既然你一心打市民牌, 就出多幾錢肉緊啦, 吸煙者尚未被足夠地抹黑, 統戰部仍需努力呀!

如果你欠債唔算太多 (約等於月薪八倍以下), 你可以考慮直接同有關財務機構商討債務重組事宜, 因為各財務機構其實都知道佢地自己做左乜野好事, 不知幾咁驚D債仔無錢還, 所以你同佢傾, 只要你有誠意, 佢就可以同你攤長期數仲減低D息, 同時晌信貸資料庫亦都會見到你條數做緊債務重組, 晌重組期間你就唔可以再借到任何錢. 好處係還完之後基本上你唔會有任何記錄話你做過債務重組, 部份銀行亦都會晌重組後照比信用咭比你, 甚至成為特選客戶. 唔好處就係你供樓供車可能要比高D息都唔定, 睇個別銀行做法喇.

如果你欠債有番咁上下 (差唔多去到月薪廿倍), 你都可以同銀行傾, 但係你會還得辛苦好多. 另外亦可以做 IVA, 有律師做中間人幫你搞, 但係呢個選擇會有D風險, 一陣再講.

若果你真係差到一屁股債, 月入一萬, 要還萬三 (可能因為轉左工人工少左, 或者乜野原因都好令收入少左頂唔到條數), 條大數仲要係月入廿幾卅倍, 相信你都無乜其他選擇可以諗, 就係破產. 破產晌好多人心目中都可能好得人驚, 但係對極大部份升斗市民黎講係影響唔大, 甚至你可能報完破產你呢四年之內一毛錢都唔使還比債權人 (你睇章小惠就係一個好例子). 但係破產政府要先收港幣一萬元正先會開始做野, 若果你交比律師幫你搞就要另加律師費 (正路就港幣一千至五千元不等), 即係話你想破產, 除非有關債權人向法庭申請你破產, 你如果係自己想破, 就要先比萬幾蚊出黎先. 破左之後, 原則上你唔使話比任何人聽, 包括你老闆, 但係如果你係公司管理層, 或者晌金融機構度做 (銀行, 證券行, 會計, 保險等等), 就一定要申報, 情況差到可能真係連工都無埋要轉行都唔定. 而如果你收入唔多, 又要租樓又有小朋友, 除非你搵三幾萬一個月, 若果人工大約萬幾, 都有幾大機會一毛錢都唔使比或者只要比二三千. 總比你一個月還萬幾輕鬆.

頭先有講話 IVA, 呢樣多數都要搵 CFP 或律師行搞, 但係 IVA 收的行政費非常多同非常貴, 可能做完之後你不過係由還一萬幾變成還八千 (實還六千, 有千幾係 IVA 行政費), 而且有可能 IVA 債權人唔接受都唔定, 到時你錢又比左(IVA要收差唔多兩萬收費, 仲要另外每月比行政費), 又 IVA 唔到, 仲要另外比錢破產你就真係超級大鑊喇.

仲有, 無論 IVA 定係破產, 有部份財務機構 (大部份大銀行, 幫聞), 只要你入紙申請, 就唔會搵人追數. 但係有少部份財務機構 (細銀行, 呀周聯合), 見到紙會仲追緊D, 至到正式出 IVA或者法庭已經宣佈當事人破產, 呢樣要有心理準備.