睇公仔箱, 輪米既老人家來自唔同階層, 懷著各自目的, 有部份想拎意頭, 有部份因為貪心, 有部份會去晒所有輪米盛會意圖晌呢個輪米月份輪晒成年要食既米番屋企
輪米既固得睇得人驚心動魄, 派米既主辦機構冷血得令人不安
我唔係批評佢地人手安排出問題, 而係佢地竟然會認為人山人海咁多人黎輪米, 佢地先有面子, 夠豪氣, 你果邊派一斤我派夠兩斤, 你派三斤我直頭一包五公斤金象派出去, 問你死未
好喇, 家下終於有件呀閃瓜左, 無論係直接定間接都好, 輪米呢個活動一定係果個呀閃瓜柴既主要原因. 難得有人面口轉得快過D政棍轉車太, “呢個呀婆自己跌到, 仲要唔係晌我地排隊既範圍之中, 差少少架, 唔好入我地數呀”, 佢地咁負責任既態度實為香港下一代樹主一個良好榜讓.
政府決定以後租康文處地方派米, 派米一包唔可以過一公斤, 又要買第三者保險, 唔知呢D沽名釣譽之徒下年會晌邊度派
事件
回應的RSS
按此回應
暫時未有引用通告
(0)
2005年12月09日
好多上開新聞組既人都會以為支惑天王係因為 “不誠實使用電腦” 呢條罪黎入佢三個月, 繼而話古惑天王根本無不誠實可言. “放種咋喎, 有幾唔誠實呀?”
另外有部份人又會話政府未就點對點軟件使用作出規管, 既然係咁, 你憑乜野拉人呀? 仲入人三個月? 咁仲有王法既?
當然, 仲有好多不甚理智之餘又無乜建設可言既發言, 例如大叫狗官, 或者用謝檸檬一案作比較去表示刑期過重, 甚至講到香港法律末落人治檯頭等等, 要幾不求甚解就有幾不求甚解.
呀古惑天王比人告既罪係 “損害電影製作商及發行商利益”, 意即政府指佢網上放種既行為係明顯地損害有關行業之商業利益, 引申出黎即係話呢種行為係會令有關行業減少投資於香港, 有損香港整體利益. 而呢條罪, 其實同告老番好類同, 所以有理由相信政府希望將放種等同老番, 咁就可以唔使改任何法例情況之下都可以告到放種既人之餘, 其他地區借此案作為案例亦唔使搞一大堆法律程序就可以拉人做野.
可能你會問, 政府使乜搞咁多野? 美國咁大個國家都告唔入, 晌香港告得入又如何? 咁你就錯喇.
正正就係因為美國告唔入, 所以先要去D告得入又叫做有法治可言既地方做野, 咁先有案例去美國告班友仔嘛, 如果唔係又晌美國搞, 搞得三五七年先搞到出黎, 到時可能又有D唔知咩技術出到黎, 科技快過法律幾代, 咁任你點搞都無用啦
事件
回應的RSS
按此回應
暫時未有引用通告
(0)
2005年11月07日
一個收入唔穩定既人, 有一張手寫既糧單, 見到一部萬二蚊既電腦, 正常人會點做?
我相信點做都好, 都唔會叫人借錢去買架下話, 大把信用咭有得做免息分期, 點解要借錢買? 貪你息口高呀?
人搵錢有兩種方法, 一種就係靠自己能力去換取金錢, 另一種就係用手頭上既錢投資去搵更多錢
如果知道自己能力有限, 儲錢好唔好? 你老味你叫人去借? 如果佢有錢佢使乜借呀? 咁你同叫佢去死有乜分別呀? 仲大大聲同人講 “唔好丟呀, (張糧單)係錢黎架”, 你做生意都比D良心丫….
家下已經有咁多大學生先使未來錢搞到出黎做野都生不如死, 仲比咁多機會D人借錢, 香港睇黎真係前途一片光明未來充滿希望…………….
事件
回應的RSS
按此回應
暫時未有引用通告
(0)
2005年10月20日
家下身邊不停有廣告引你去借錢, 借得易, “聲稱”還亦易. 廣告中眾人都有唔同夢想或目的, 希望可以有一筆資金可以週轉云云, 聽起上黎好動聽, 好似佢地放數就可以幫到人, 對方拎到錢亦非常開心, 可以達到一D唔易達到既目標.
Down to the ground, 面對現實, 如果閣下還錢都可以咁持之以恒, 無論係因為責任感到期就會準時還, 還是因為比佢地追數追到仆街都好, 要儲你想借果筆錢其實一D都唔難, 你試想像一下你要付出既利息有幾多, 而佢又可以借得到幾多比你呢
而最最緊要既係, 手緊好多時都係收入較低既一群, 有銀既唔係唔會借, 但相對比例會少D. 咁樣, 試問仲可以叫做幫人?
有一位朋友佢講得好好, 你借既錢如果不過用黎推遲 handle 經濟壓力既日子, 而唔係開源令自己收入增多, 咁不如唔好借
過來人只可以話比你知, 借到錢番黎果刻會覺得手頭上有好多錢好開心, 但係你要付出既代價同壓力都唔係可以單憑想像可以明白. 皇道應是一早做好 financial planning 而唔係財政上失控
