好耐以前, 我唔太介意部電腦既大細, 亦唔會太理會部機既風扇所發出既巨響, 總之部機大大部, 有足夠空間比我裝裝拆拆就正合我意; 電腦檯亦要大, 唔夠大又點夠我放 dual mon 加埋四個小喇叭出環迴立體聲呢? 除此之外仲有 printer scanner 呢樣果樣, 真係多多位都唔夠放.
唔知由幾時開始, 我開始實行 “電腦微小化工程”
為左配合我既構想, 廳既傢俬擺位實在落左唔少工夫, mon 我已經改番用一個 mon, 近排仲改埋用 LCD, 喇叭只用兩個小喇叭, 仲有換細 case, 連大大個電腦檯都縮到細一細, 如果計佔有既面積, 等於以前四份一都無
搞咁多野, 為乜?
隨心
回應的RSS
按此回應
暫時未有引用通告
(0)
2005年12月19日
強積金最早開始計劃可以推到去82年, 因為當年有人已經預見香港長遠發展一定要解決退休呢個計時炸彈, 去到92-93年成個部處已經完成, 咁既然計劃完成, 咁點解唔推行呢? 發生左D乜野事要搞到幾年之後先開始呢? 呢個留待大家去搵答案.
我捫心自問, 呢個社會係唔公平既, 付出同等努力唔一定有同樣收獲. 即使堅持令到社會變得公平都好, 都總會有D人比大部份普通人 “更加公平”.
我不過係一個窮到反艇既升斗小市民, 但係我既經驗話比我知, 原來有時明益D有錢佬, 我呢D小市民反而會搵得多D, 生活好D.
我唔相信終極既民主會令社會變得更好, 香港好多反面教材令我更確信呢樣野.
一句 “強積金都要成廿年先實行到啦” 可以扭曲成無誠意推出政改時間表, 我真係唔知呢D係乜野人, 都算喇, D人仲要信先至令人不安.
完全忽視現實情況, 以美麗既說話去包裝自己, 令其他人成全自己, 令自己變成烈士, 再將一大堆唔關事既野攬晒上身認晒投之後樂於被人視為英雄, 其實本質上同恐怖份子有乜分別….
對我黎講, 即使政改原地踏步都無所謂, 但係下下同中共鬧到面經耳赤唔通咁又叫好? 見到對方態度軟化就不停去衝擊對方底線唔通又可以解決問題?
唉
隨心
回應的RSS
按此回應
暫時未有引用通告
(0)
2005年12月03日
一日一日見到自己由一個肥仔變成肥生家下變成一個肥佬, 但係心理上硬係覺得好似咁多年都無乜點變
“咦! 明明好以無耐之前先至十八, 乜家下就黎廿八架拿?” 呢個係我經常都會問自己既問題
以前細個得果三幾歲果時就覺得十八歲好遙遠, 仲立志十八歲果時要做乜做物; 到真係十八歲, 發覺十八歲其實不外如是, 仲有好多野未可以做; 好喇, 家下廿八喇, 諗下諗下, 都唔知呢十年發生過乜事, 無聲無息又過左
唔知我六十歲果時會點?
問得黎無錯架喇我覺得
隨心
回應的RSS
按此回應
暫時未有引用通告
(0)
2005年11月30日
窮而又可以傲骨, 只可以晌古代發生.
以前D人窮極都好, 大不了咪乜都無. 無野食喎, 咪自己種D野食囉, 再唔係周山搵, 一定有D野可以食. 住是是旦旦求求其其山窿都可以. 窮, 唔使死, 甚至比起家下拎綜援既人生活更好.
家下所謂現代人, 唔食都十九幾萬樣費要交, 又唔可以周山搵野食, 又唔比亂咁種野食, 要搵個地方住更係費盡心神. 窮家下唔係”無”咁簡單, 而係一個無底深潭, 窮好多時只可以越來越窮, 窮令人能夠把握到既機會越來越少, 再變成負數….
我幾時先可以脫貧?
隨心
回應的RSS
按此回應
暫時未有引用通告
(0)
2005年11月14日
細個時, 呀媽總會話 “有D人好似披著羊皮的狼”, 如果唔小心D, 一個唔覺意就連骨都無.
但係人越大, 出黎做野, 個個都會叫你做人唔可以咁純良, 即使你係羊你都要披著狼皮, 唔打得都睇得, 否則好難可以晌呢個社會生存云云.
久而久之, 所有羊都披著狼皮, 反而狼就披著羊皮.
又狼又羊為乜呢, 做一件貓咪好囉….
隨心
回應的RSS
按此回應
暫時未有引用通告
(0)
2005年11月13日
一眾耳圓北上救國…. 唔係, 係考察, 各自暗懷鬼胎. 有D人以為自己終被重視/留意/察覺/發現, 於是寫定厚過一套蝦醬波突既講稿上去以為有得發揮; 有人以為叫佢地上去考察, 諗住香港食屎多過你食米, 可以教下你班大陸佬點去做生意唔好一舊飯咁一陣一個唔覺意比D鬼佬搵笨柒就唔係咁好啦正所謂肥水不留別人田要做笨柒都益番自己人丫; 有人真係自量為土共, 上去既目的就係向北大人交心, 唔理三七廿一呀公叫你含撚你都要大叫好味仲要唔夠喉同另一個假土共搶個天昏地暗日月無光.
平反六四, 你咪叫夠佢囉. 地方小職員就算本身唔夠氣量, 上面講到明唔準立亂同狗玩, 正所謂孤掌尚且難鳴, 叫得果三幾次, 又有乜用呢….
見到人地國內既工廠不知幾鬼先進, 一眾井底蛙除左驚訝, 只有驚訝. 可以想像佢地晌人地間廠參觀時既表情, 同幼稚園學生參觀益力多廠一樣咁興奮. 大佬呀, 人地講緊果間係本田車廠黎架, 唔引入呢D技術同器材, 唔通你諗住仲會係一間黑麻麻既木屋入面有三幾個三行佬身水身汗咁閉門造車咩你老味! 科技技術中國係落後人地幾年, 之但係晌唔靠外力之下去到呢個層次, 你當人地流架? 家下好多科技產品都係中國自己 R&D 架喇大佬. 教育就更加係, 淨係知道人地農村無書讀, 咁城市果D呢? 同樣年齡同樣年級, 人地轉數快過香港果D淨係識飲識食識玩識溝女既學生不知幾多, 人地有目標有夢想有行動, 家下先諗點去教改, 試下呢樣試下果樣, 蛇都死啦.
仲有D土共, 人地有既有立場, 對六四有一定官方答案, 呢樣係有少少 “常識” 既人都知道既事, 而六四如何評價因為近年資料開始有條理地被整理而開始有一個共識, 簡單而言, 好既好唔晒, 衰既亦衰唔晒, anyway, 行動就似乎有過火之嫌(當時仲叫做係學生運動, 車瓜佢地似乎時機唔太適合). 不過有D人真係有D料到, 自己睇啦, 無眼睇….
[民建聯張學明及親北京的無黨派議員霍震霆均承認當時有拍掌。但張學明堅持自己是在梁國雄發言前拍手，他解釋表示，張德江面對民主派不斷追問六四問題，最終不避諱地講出中央立場，算是積極面對問題，他個人表示支持]
睇公仔箱訪問一個內地女學生, 我覺得講得好好
“我之前淨係晌公仔箱見到佢地, 覺得佢地淨係得把口, 都唔知識唔識做野既. 今日見到真人, 唔…. 我諗佢地都應該可以做到D野既~~~~”
隨心
回應的RSS
按此回應
暫時未有引用通告
(0)
2005年09月27日
無可否認家下真係唔多似打風, 無乜風亦無乜雨, 之但係明知個風咁近, 天氣好可能會突然轉壞, 點解唔掛三號呢? 掛三號又唔會影響到佢最關心既所謂經濟活動
呢幾年天文台掛風球都唔係以天氣情況為主要考慮因素, 有風唔掛風球, 有雨唔掛雲, 自己天文台無風無雨就其他地方落到倒水都唔理. 近呢幾年有個新界北部水浸警告, 但掛黎有乜用? 即係話比人知果邊落狗屎?
隨心
回應的RSS
回應(2)
暫時未有引用通告
(0)
2005年09月24日
