士安力的蛇貓狗

一歲五個月, 睇人地果D就好快, 自己果個就來來去去都係差唔多大, 仍然係一個B

 生活, 家庭  回應的RSS 按此回應  暫時未有引用通告   (0)
2005年10月25日

我諗睇書應該都還可以, 但係睇公仔書同電影就真係麻得很. 實在好難想像呢套野可以橫掃東南亞.

近排睇衛視電影台, 睇左好多根本唔會打算睇既戲, 原來好多戲都幾好睇, 係衰在改壞名. 我左眼見到鬼同失憶界女王都唔錯

 電影  回應的RSS 按此回應  暫時未有引用通告   (0)
2005年10月20日

一個收入唔穩定既人, 有一張手寫既糧單, 見到一部萬二蚊既電腦, 正常人會點做?

我相信點做都好, 都唔會叫人借錢去買架下話, 大把信用咭有得做免息分期, 點解要借錢買? 貪你息口高呀?

人搵錢有兩種方法, 一種就係靠自己能力去換取金錢, 另一種就係用手頭上既錢投資去搵更多錢

如果知道自己能力有限, 儲錢好唔好? 你老味你叫人去借? 如果佢有錢佢使乜借呀? 咁你同叫佢去死有乜分別呀? 仲大大聲同人講 “唔好丟呀, (張糧單)係錢黎架”, 你做生意都比D良心丫….

家下已經有咁多大學生先使未來錢搞到出黎做野都生不如死, 仲比咁多機會D人借錢, 香港睇黎真係前途一片光明未來充滿希望…………….

 事件  回應的RSS 按此回應  暫時未有引用通告   (0)
2005年10月20日

 家庭  回應的RSS 按此回應  暫時未有引用通告   (0)
2005年10月18日

今日同一個無見幾年既舊同學食飯, 講開仲有邊幾個同學仲仍然有聯絡時.

“呀XXX死左添啦” 朋友語帶笑意咁講.

“你講真定講笑呀?”
“真架”
“但係你個死樣好X假喎”
“呃你把鬼咩, 佢幾年前晌唔知牛油烏蠅灣定係奶茶灣度BBQ比人點錯相斬死左嘛”
“咁兒戲?”

始終一時之間好難相信同接受

 朋友  回應的RSS 按此回應  暫時未有引用通告   (0)
2005年10月08日

因為工作關係, 不時發現奇人奇事.

好多時同客人傾開, 諗住自己會有幾多歲時, 總會因為想逃避問題而聲稱自己得六十幾七十歲命, 而逃避家下香港平均壽命已達超過八十之譜呢個事實. 但係晌不久將來, 相信大家去到過百歲根本唔難.

因為應承左對方, 詳情唔可以講得太清楚, 但係我身邊有人有醫術可以針對心臟血管問題而作出治療, 而治療原理, 好奇怪亦好合理, 簡而言之, 就係同個心按一下 reset 制, 於是個心就會回復到廿幾歲既狀態.

如果你咁橋見到呢段野, 而你身邊至親又真係有心臟栓塞情況出現, 我可以介紹給你.

不過事先聲名, 呢個唔係正式認可既療法, claim 唔到保險的

但係既然心臟可以 reset, 他朝其他部份又可唔可以呢? 如果可以咁我地可以去到幾多歲呢?

諗起都覺得大劑

 醫療保健  回應的RSS 按此回應  暫時未有引用通告   (0)
2005年10月06日

幾年前, Palm 氣勢如虹, 仗著與 Sony 合作, 令自家產品跳出西方一套, 佔有世界上極大部份之電子手賬市場.

今日, Sony 因種種原因而把整個 Clie 部份關掉, Palm 除了終日做一些令股價有所上落的不必要動作外, 產品亦再無寸進. 分拆, 合併, 將品牌作出不必要變動, 將產品左手交右手, 明眼人一看已看出 Palm 公司本身亦沒有了方向; 試問一間沒有方向的公司如何能主導市場的方向? 終日留戀當日佔有九成市場的日子, 一點危機感也沒有, 於是最終造就了一件 “不可能的產品” 的出現.

Palm 推出了一部運行 WM5 的 Treo, HTC ODM

PalmOS 還可以在市場 “存在” 多少年? (己經唔敢講生存)

 時事/新聞  回應的RSS 按此回應  暫時未有引用通告   (0)
2005年10月02日