我對 pop music 其實興趣唔太大, opera 同 new age 先係我至愛. 晌公仔箱第一次聽佢地唱 Regresa A Mi (即係西班牙版本既 unbreak my heart), 我已經決定左要買隻 CD 番黎聽; 淨係呢首歌已經值回票價
問心果句, 佢地第一隻 CD 揀歌真係唔太好, 對好多人黎講唔係咁易入口(但係對我呢D扮老餅既人黎講就非常受落), 但係單單一首 Regresa A Mi, 真係已經殺全場….
今次第二隻 CD, 揀歌明顯好左, 除左有幾首經典名曲既西班牙版本之外, 其中一首仲搵埋 Celin Dion 黎撐場, 野心實在唔細, 亦好明顯希望其他人會認真聽佢地既歌, 雖然我身邊有好多女性朋友只因為佢地四個既外型而聽, 連佢地點解都聽都未知就買左隻 CD 番屋企, 浪費晒….
但係我唔可以否認, 佢地外型真係幾殺, 至少殺過我呢D擁有巨大身軀+驚人體重既人….
上天真係唔公平
音樂
回應的RSS
回應(1)
暫時未有引用通告
(0)
2005年12月01日
李克勤當紅, 揀歌同資源可以唔使講, 一定係最好最多; 既然係咁, 先天已經咁多優良元素, 有乜好講呢, 直接買黎聽咪已經得囉.
我相當鍾意聽 Santana 同 BeeGees, 尤其是佢地既 concert, 你好難理解點解唱 live 可以好過 CD 咁多, 你會懷疑佢係唔係特登晌 CD 唔出盡力博你買佢 concert DVD. 香港, 好可憐(無錯, 係可憐, 可惜都不如), 唱演唱會唱 live 可以去到 CD 級數就已經可以被稱為神級.
當年李克勤咸魚番生, 就係因為唱港樂, 佢表現左 “比原唱者唱得更好, 仲要遠遠地拋離” 既層次, 令部份香港人發現歌藝先係歌手既皇道 (但係有更多少不更事既少男少女加入蕃薯同死士之行列)
今次呢隻 CD, 除左見到佢特登唱好多唔同類型既音樂之外, 仲有一樣就係呢隻 CD 係一次過錄既, 基本上同一句一句執既 CD 既感覺完全唔同, 唔會再咁死實實(幾年前譚校長都做過同一樣野, 不過佢已經年紀大, 無乜人理會佢呢個舉動, 可惜), 而且我仲見到李克勤開始有一種 “唱 live 比 CD 更好” 既傾向.
雖然要顧及 CD 品管, 呢種傾向未必可以盡情發揮, 但係真係值得期待.
一日一日見到自己由一個肥仔變成肥生家下變成一個肥佬, 但係心理上硬係覺得好似咁多年都無乜點變
“咦! 明明好以無耐之前先至十八, 乜家下就黎廿八架拿?” 呢個係我經常都會問自己既問題
以前細個得果三幾歲果時就覺得十八歲好遙遠, 仲立志十八歲果時要做乜做物; 到真係十八歲, 發覺十八歲其實不外如是, 仲有好多野未可以做; 好喇, 家下廿八喇, 諗下諗下, 都唔知呢十年發生過乜事, 無聲無息又過左
唔知我六十歲果時會點?
問得黎無錯架喇我覺得
隨心
回應的RSS
按此回應
暫時未有引用通告
(0)
2005年11月30日
雖然我無教過晒所有單元 (我始終唔係社工), 但係都教過幾批學員某幾個單元, 我覺得, 直接D講, 展翅其實真係無乜用.
無用既原因唔係課程本身出問題, 而係參與者出現問題; 學員同舉辦機構都係.
社會服務眾所週知係一門差唔多包蝕既生意, 除非你將社區服務性質變成好似樽你鷹王果類學店既經營方式, 否則就只會差在你一年蝕幾多, 好難唔蝕. 但係蝕還蝕, 有部份服務係有政府資助, 而資助數額方面, 可能未必好大條數, 但係原本蝕一百萬, 家下變成蝕九十五萬, 點都會好D卦? 但係咁樣心態去搞服務, 又點可以做得好呢?
至於學員方面, 佢地本身如果讀書讀得唔錯, 又使乜去讀展翅呢? 佢地好多都自我評價較低, 自己都覺得自己唔掂, 讀展翅一來應付父母二來消磨時間三來結識朋友, 反而最重要既 “希望改善自己, 將來有更多機會更好生活” 心態就只有極少數學員擁有, 自己都無讀既理由同原動力, 又點會讀得好呢?
晌兩方面 “合作” 之下, 原本好好地一個可以幫到學業唔好既同學既一個計劃, 咁就廢左武功, 真係太太浪費.
我唔排除有D真係好頑劣, 但係其實我見有好多都好醒目, 今日讀展翅不過係因為讀書唔太好而矣, 我真心希望你地未來日子更加努力, 就咁就一世, 實在太浪費
原本諗住買張電腦飛就算, 點知入到去見到有得自己劃, 於是手痕就自己畫左張五拖五膽. 但係劃完之後, 望一望張飛, “喂, 呢d擺到明唔可能中架喎大佬, 但係已經去到櫃位, 唉, 是旦啦”, 於是就買左張自己都覺得唔會中既六合彩.
九點幾, 同個朋友晌度度報價. “喂, 開左喇喎, 乜乜, 乜乜, 同乜乜喎, 你又話買晒我地生日, 你九成唔中”, “唔係喎, 我就咁聽都好似中左三兩個字喎”, 拿拿林飛番屋企啦.
對完之後, 膽中左三個字, 拖果d中左一個, 夾埋中左一張五獎, 同四個六獎.
雖然得幾舊, 但真係好開心, 尤其是周身無蚊既時候就更覺得開心
日記
回應的RSS
按此回應
暫時未有引用通告
(0)
2005年11月16日
